دل جس کا آئنے کی طرح پاک صاف ہے

دل جس کا آئنے کی طرح پاک صاف ہے

کیا بات ہے زمانہ اسی کے خلاف ہے

وہ شخص کر رہا ہے محبت کا قتل عام

نفرت کا جس کی فکر پہ ہر دم غلاف ہے

سجدہ نماز شوق کا کرتی ہیں تتلیاں

دامن ہر ایک گل کا بہت پاک صاف ہے

ہم نے خدا بنا دیا جس کو تراش کر

وہ سنگ راہ آج ہمارے خلاف ہے

دنیا سمجھ رہی ہے مجھے صاحب زباں

میرا بھی پر درست کہاں شین قاف ہے

تو ہو رہا ہے لذت دنیا سے شاد کام

صابرؔ بتا یہ کیسا ترا اعتکاف ہے

dil jis ka aine ki tarah pak saf hai

kya bat hai zamana usi ke khilaf hai

wo shakhs kar raha hai mohabbat ka qatl-e-am

nafrat ka jis ki fikr pe har dam ghilaf hai

sajda namaz shauq ka karti hain titliyan

daman har ek gul ka bahut pak saf hai

ham ne khuda bana diya jis ko tarash kar

wo sang-e-rah aj hamare khilaf hai

duniya samajh rahi hai mujhe sahab-e-zaban

mera bhi par durust kahan shain qaf hai

to ho raha hai lazzat-e-duniya se shad kam

sabir bata ye kaisa tira etikaf hai