جان اسے چلانے میں اہرمن کی کھپتی ہے

جان اسے چلانے میں اہرمن کی کھپتی ہے

رات دن مگر دنیا نام تیرا جپتی ہے

روشنی کے جلوے ہیں پھلتے پھولتے جنگل

جن کی چھتر چھایا میں تیرگی پنپتی ہے

گونج سی یہاں شب بھر تم جو روز سنتے ہو

دشت کی پناہوں میں خامشی تڑپتی ہے

کیا کہا کہو تو پھر دھیان حسن سیرت کا

اے میاں مری مانو چھاپ لو جو چھپتی ہے

ناگہاں مگر اس میں پھول کیوں نہیں کھلتے

ریگ زار کی مانند خاک دل بھی تپتی ہے

حسن اتر کے آتا ہے یوں امنگؔ آنکھوں میں

جھیل جس طرح گہری روشنی ہڑپتی ہے

jan use chillane mein ahriman ki khapati hai

rat din magar duniya nam tera japti hai

raushni ke jalwe hain phalte phulte jangal

jin ki chhatr chhaya mein tirgi panapti hai

gunj si yahan shab bhar tum jo roz sunte ho

dasht ki panahon mein khamushi tarapti hai

kya kaha kaho to phir dhyan husn-e-sirat ka

ai miyan miri mano chhap lo jo chhupti hai

nagahan magar is mein phul kyun nahin khulte

reg zar ki manind-e-khak dil bhi tapti hai

husn utar ke ata hai yun umang ankhon mein

jhil jis tarah gahri raushni harpatti hai