کل تلک ہم تھے خنک چھاؤں میں پلنے والے

کل تلک ہم تھے خنک چھاؤں میں پلنے والے

آج ہیں تیز کڑی دھوپ میں جلنے والے

برق ہے آتشیں لاوا ہے کہ گل ہے کیا ہے

اپنی تعریف بتا آگ اگلنے والے

کون اب تیرے لیے گیت بنے گا اے دوست

چند لمحوں میں فقط ہم ہیں پگھلنے والے

ہے مقدر میں ترے صرف سمندر کا سکوت

موج کی طرح سے گر گر کے اچھلنے والے

آب و گل کا ہے خمیر اپنا مگر اے پروازؔ

ہم وہ برتن نہیں برسات سے گلنے والے

kal talak ham the khunuk chhaon mein palne wale

aj hain tez kari dhup mein jalne wale

barq hai atishin lawa hai ke gul hai kya hai

apni taarif bata ag ugalne wale

kaun ab tere liye git banega ai dost

chand lamhon mein faqat ham hain pighalne wale

hai muqaddar mein tire sirf samundar ka sukut

mauj ki tarah se gar gir ke uchhalne wale

ab-o-gul ka hai khamir apna magar ai parwaz

ham wo bartan nahin barsat se galne wale