ترے فراق میں گھٹنوں چلی ہے تنہائی

ترے فراق میں گھٹنوں چلی ہے تنہائی

خیال و خواب میں پھولی پھلی ہے تنہائی

ترے خیال ترے ہجر کے وسیلے سے

تصورات میں ہم سے ملی ہے تنہائی

جمال یار میں کھویا ہوا ہے سناٹا

خیال یار میں ڈوبی ہوئی ہے تنہائی

کسی کے شوخ بدن کی ضرورتوں کی طرح

تمام رات سلگتی رہی ہے تنہائی

تمہاری زلف معنبر کا آسرا لے کر

ہماری فکر و نظر میں پلی ہے تنہائی

شب فراق کے مارے نہیں ہو تم پرواز

تمہاری فکر پہ کیوں جم گئی ہے تنہائی

tire firaq mein ghutnon chali hai tanhai

khayal-o-khwab mein phuli phali hai tanhai

tire khayal tire hijr ke wasile se

tasawwurat mein ham se mili hai tanhai

jamal-e-yar mein khoya hua hai sannata

khayal-e-yar mein dubi hui hai tanhai

kisi ke shokh badan ki zaruraton ki tarah

tamam rat sulagti rahi hai tanhai

tumhari zulf-e-muambar ka asra le kar

hamari fikr-o-nazar mein pali hai tanhai

shab-e-firaq ke mare nahin ho tum parwaz

tumhari fikr pe kyun jam gai hai tanhai