سنگ‌ بے قیمت تراشا اور جوہر کر دیا

سنگ‌ بے قیمت تراشا اور جوہر کر دیا

شمع علم و آگہی سے دل منور کر دیا

فکر و فن تہذیب و حکمت دی شعور و آگہی

گم‌ شدان راہ کو گویا کہ رہبر کر دیا

چشم فیض اور دست وہ پارس صفت جب چھو گئے

مجھ کو مٹی سے اٹھایا اور فلک پر کر دیا

دے جزا اللہ تو اس باغبان علم کو

جس نے غنچوں کو کھلایا اور گل تر کر دیا

خاکۂ تصویر تھا میں خالی از رنگ حیات

یوں سجایا آپ نے مجھ کو کہ قیصرؔ کر دیا

sang be qimat tarasha aur jauhar kar diya

shama ilm-o-agahi se dil munawwar kar diya

fikr-o-fan tahzib-o-hikmat di shuur-o-agahi

gum shudin-e-rah ko goya ke rahbar kar diya

chashm-e-faiz aur dast wo paras sifat jab chhu gae

mujh ko mitti se uthaya aur falak par kar diya

de jaza allah to is baghban-e-ilm ko

jis ne ghunchon ko khilaya aur gul-e-tar kar diya

khaka-e-taswir tha main khali az rang-e-hayat

yun sajaya ap ne mujh ko ke qaisar kar diya