فتنے اٹھیں گے تو پیغام تباہی دیں گے

فتنے اٹھیں گے تو پیغام تباہی دیں گے

اور تاریک فضاؤں کو سیاہی دیں گے

میں نے یہ بات کبھی خواب میں سوچی بھی نہ تھی

میرے اپنے ہی مخالف کی گواہی دیں گے

کون سی راہ ترے در پہ انہیں لے جائے

یہ پتہ راہ تمنا کو وہ راہی دیں گے

آپ چاہیں تو ہمیں بھول بھی جائیں لیکن

حال دل ہم تو کسی روز سنا ہی دیں گے

اور نکھرے گی تبھی دار و رسن کی عظمت

سر کو حق بات پہ جب حق کے سپاہی دیں گے

صرف اپنوں کی شرارت ہے تباہی میں یہاں

آپ کس کس کو یہ الزام تباہی دیں گے

بے نیازی کا یہ عالم ہے تو اک دن چشمہؔ

میرے دل کو وہ تڑپ صورت ماہی دیں گے

fitne uthenge to paigham tabahi denge

aur tarik fazaon ko siyahi denge

main ne ye bat kabhi khwab mein sochi bhi na thi

mere apne hi mukhalif ki gawahi denge

kaun si rah tire dar pe unhen le jae

ye pata rah-e-tamanna ko wo rahi denge

ap chahen to hamen bhul bhi jaen lekin

hal-e-dil ham to kisi roz suna hi denge

aur nikhregi tabhi dar-o-rasan ki azmat

sar ko haq bat pe jab haq ke sipahi denge

sirf apnon ki shararat hai tabahi mein yahan

ap kis kis ko ye ilzam tabahi denge

be niyazi ka ye alam hai to ik din chashma

mere dil ko wo tarap surat-e-mahi denge