اے رب ذو الجلال ہے میری خطا بلند

اے رب ذو الجلال ہے میری خطا بلند

لیکن خطا سے بڑھ کے ہے تیری عطا بلند

آنکھیں جھکی ہوئی ہیں سروں پر حجاب ہے

کردار منفرد ہے جو ہم نے رکھا بلند

موتی جھلک رہے ہیں جو شبنم کے اوٹ سے

پھولوں سے گلستاں کی ہوئی ہے فضا بلند

حسن و جمال چاند ستاروں کا تذکرہ

اس داستان شوخ میں سب کچھ کہا بلند

کس کا لہو فضاؤں میں پھیلا ہے ہر طرف

بدلی سے ہو رہا ہے جو رنگ حنا بلند

ٹوٹے ہوئے دلوں کو غزل میں سجا دیا

شیشہ گری میں چشمہؔ ہے اس کی ادا بلند

ai rab zu aljalal hai meri khata buland

lekin khata se barh ke hai teri ata buland

ankhen jhuki hui hain saron par hijab hai

kirdar munfarid hai jo ham ne rakha buland

moti jhalak rahe hain jo shabnam ke ot se

phulon se gulsitan ki hui hai faza buland

husn-o-jamal chand sitaron ka tazkira

is dastan-e-shokh mein sab kuchh kaha buland

kis ka lahu fazaon mein phaila hai har taraf

badli se ho raha hai jo rang-e-hina buland

tute hue dilon ko ghazal mein saja diya

shisha giri mein chashma hai us ki ada buland