احساس دیکھیے مرے اشعار دیکھیے

احساس دیکھیے مرے اشعار دیکھیے

کیا کہہ رہی ہے آپ سے فن کار دیکھیے

ذرے میں حسن مطلع انوار دیکھیے

الفاظ کی تراش کا شاہکار دیکھیے

تمثیل بن گئی ہو جہاں حسن کی کشش

یوسف کے ساتھ مصر کا بازار دیکھیے

اہل شعور اہل نظر آپ ہیں تو پھر

کیا کہہ رہی ہے وقت کی رفتار دیکھیے

اہل ستم کے جبر و تشدد کے باوجود

حق بولتا ہے اب بھی سر دار دیکھیے

تابانیوں میں اس طرح گم ہو گئی حیات

چشمہؔ بھی ہے یہاں پہ گنہ گار دیکھیے

ehsas dekhiye mire ashar dekhiye

kya kah rahi hai ap se fan kar dekhiye

zarre mein husn-e-matla-e-anwar dekhiye

alfaz ki tarash ka shahkar dekhiye

tamsil ban gai ho jahan husn ki kashish

yusuf ke sath misr ka bazar dekhiye

ahl-e-shuur-e-ahl-e-nazar ap hain to phir

kya kah rahi hai waqt ki raftar dekhiye

ahl-e-sitam ke jabr-o-tashaddud ke bawajud

haq bolta hai ab bhi sar-e-dar dekhiye

tabaniyon mein is tarah gum ho gai hayat

chashma bhi hai yahan pe gunah gar dekhiye