مرا یہ جذبۂ دل کم نہیں ہے

مرا یہ جذبۂ دل کم نہیں ہے

مری حسرت میں اب تک خم نہیں ہے

بلا سے حسن مانے یہ نہ مانے

اڑان اب عشق کی بھی کم نہیں ہے

ہمارے دل میں اب تک ہے تسلی

کہ وہ اپنا ہے اور برہم نہیں ہے

مجھے اکثر وہ کہہ دیتے ہیں پاگل

یہ میرے ہوش کا عالم نہیں ہے

شب غم رات بھر رویا تو بولے

ابھی تو آنکھ بھی پر نم نہیں ہے

میں منزل کی طرف بڑھتا رہوں گا

مجھے ناکامیوں کا غم نہیں ہے

چراغ ہستیٔ غم جل رہا ہے

ابھی تک روشنی مدھم نہیں ہے

mira ye jazba-e-dil kam nahin hai

miri hasrat mein ab tak kham nahin hai

bala se husn mane ye na mane

uran ab ishq ki bhi kam nahin hai

hamare dil mein ab tak hai tasalli

ke wo apna hai aur barham nahin hai

mujhe aksar wo kah dete hain pagal

ye mere hosh ka alam nahin hai

shab-e-gham rat bhar roya to bole

abhi to ankh bhi pur nam nahin hai

main manzil ki taraf barhta rahunga

mujhe nakamiyon ka gham nahin hai

charagh-e-hasti-e-gham jal raha hai

abhi tak raushni maddham nahin hai