کسی کے بھول جانے سے محبت کم نہیں ہوتی

کسی کے بھول جانے سے محبت کم نہیں ہوتی

محبت غم تو دیتی ہے شریک غم نہیں ہوتی

بتوں سے کوئی یہ کہہ دے نہ وہ جامے سے باہر ہوں

نزاکت چاہنے والوں کی بھی کچھ کم نہیں ہوتی

بتوں کو حسن بخشا اور یہ جور و ستم ہم پر

مگر اس سے تو محفل عشق کی برہم نہیں ہوتی

وہ عاشق ہی نہیں گویا بھلا بیٹھے جو دلبر کو

محبت چاہتی ہے وقت یہ اک دم نہیں ہوتی

تسلی چاہتا ہے تو خوشامد کر حسینوں کی

دوا اس آگ لگنے کی جہاں میں غمؔ نہیں ہوتی