دوستوں نے یہ گل کھلایا تھا

دوستوں نے یہ گل کھلایا تھا

ہاتھ دشمن سے جا ملایا تھا

آستینوں میں سانپ پالے تھے

دودھ خود ہی انہیں پلایا تھا

زخم کاری بہت لگا دل پر

تیر اپنوں نے اک چلایا تھا

برق مانگی نہیں فلک تجھ سے

ہم نے خرمن کو خود جلایا تھا

دل کو زخموں سے چور ہونا تھا

عشق کی راہ پر چلایا تھا

پوچھتے ہو دھواں ہیں کیوں آنکھیں

جاں کی بستی میں دل جلایا تھا

میں تو بھولا نہیں سحابؔ اس کو

اس نے کیسے مجھے بھلایا تھا

doston ne ye gul khilaya tha

hath dushman se ja milaya tha

astinon mein sanp pale the

dudh khud hi unhen pilaya tha

zakhm-e-kari bahut laga dil par

tir apnon ne ik chillaya tha

barq mangi nahin falak tujh se

ham ne khirman ko khud jalaya tha

dil ko zakhmon se chur hona tha

ishq ki rah par chillaya tha

puchhte ho dhuan hain kyun ankhen

jan ki basti mein dil jalaya tha

main to bhula nahin sahab us ko

us ne kaise mujhe bhulaya tha