لگتا نہیں ہے دل مرا اجڑے دیار میں

لگتا نہیں ہے دل مرا اجڑے دیار میں

اک عمر کٹ گئی ہے ترے انتظار میں

قائم رہیں خدا را مری سب یہ حسرتیں

دوں گا جگہ انہیں بھی دل داغدار میں

خاروں سے واسطہ ہمیں ہیں خار ہی عزیز

گل ہی تو ہیں جو واضح ہوئے شکل خار میں

پت جھڑ کے موسموں میں ہوئی زندگی تمام

آتی نظر بہار نہیں ہے بہار میں

رک رک کے رکھ رہا ہوں رہ عاشقی میں پاؤں

کانٹے بچھا دئے ہیں تمہیں نے تو پیار میں

دامن بھگو سکے مرے اشکوں میں ڈھل سکے

اتنا لہو کہاں ہے دل داغ دار میں

جس خاک پا کی کھوج میں تو تھک گیا ہے غمؔ

ملنا ہے ایک دن اسی گرد و غبار میں