لو ہو صبا ہو یا پروائی سب کے ساتھ چلو

لو ہو صبا ہو یا پروائی سب کے ساتھ چلو

سب ہیں صید رہ تنہائی سب کے ساتھ چلو

مار آستیں ہر ہر دوست ہو یا پھر ایسے نصیب

ہاتھ میں ہو وہ دست حنائی سب کے ساتھ چلو

سر ہوا اونچا قلب کشادہ کیا کم ہے یہ عطا

سنگ ملیں یا تمغے طلائی سب کے ساتھ چلو

ہر ہر سانس ہوا امرت رس میں یا ڈوبی بس میں

وصل ہو یا آشوب جدائی سب کے ساتھ چلو

راہ شوق میں جانے کون کہاں تھک کر رہ جائے

فرزانے ہوں یا سودائی سب کے ساتھ چلو

lo ho saba ho ya purwai sab ke sath chalo

sab hain said rah tanhai sab ke sath chalo

mar-e-astin har har dost ho ya phir aise nasib

hath mein ho wo dast-e-hinai sab ke sath chalo

sar hua uncha qalb-e-kushada kya kam hai ye ata

sang milen ya tamghe tilai sab ke sath chalo

har har sans hua amrit ras mein ya dubi bas mein

wasl ho ya ashob-e-judai sab ke sath chalo

rah-e-shauq mein jane kaun kahan thak kar rah jae

farzane hun ya saudai sab ke sath chalo