مضمحل قدموں پہ بار

مضمحل قدموں پہ بار

گردش لیل و نہار

دل ہے کوئے یار میں

سر چلا ہے سوئے دار

گنبد بے در کی گونج

بند ہونٹوں کی پکار

ڈھانپ لو خالی شکم

ہو چکے فاقے شمار

کھا گئی دہقان کو

سبز کھیتوں کی قطار

مدفن محنت کشاں

کارخانوں کے مزار

منزلیں ہیں بے نشاں

راستے گرد و غبار

تن بہت دھویا ربابؔ

میل من کا بھی اتار

muzmahil qadmon pe bar

gardish-e-lail-o-nahar

dil hai ku-e-yar mein

sar chala hai su-e-dar

gumbad-e-be dar ki gunj

band honton ki pukar

dhanp lo khali shikam

ho chuke faqe shumar

kha gai dehqan ko

sabz kheton ki qatar

madfan-e-mehnat kashan

karkhanon ke mazar

manzilen hain be nishan

raste gard-o-ghubar

tan bahut dhoya rabab

mel man ka bhi utar