مرگ احساس با لیقین آخر

مرگ احساس با لیقین آخر

آدمی بن گیا مشین آخر

ایک اک کر کے ہو گئے رخصت

خانۂ دل کے سب مکین آخر

گھر بھی مدفن بنے ہیں گلیاں بھی

تنگ ہونے لگی زمین آخر

تیری چوکھٹ سے رہ سکے نہ الگ

سنگ‌‌ در ہو گئی جبین آخر

پا سکے خوں بہا دیت نہ قصاص

زندگی کے لواحقین آخر

عشق تسخیر کائنات کے بعد

ہو رہا دل میں ہی مکین آخر

کھیل تو ختم ہو چکا ہے ربابؔ

کیوں رکے ہیں تماشبین آخر

marg ehsas ba leqen akhir

admi ban gaya mashin akhir

ek ik kar ke ho gae rukhsat

khana-e-dil ke sab makin akhir

ghar bhi madfan bane hain galiyan bhi

tang hone lagi zamin-e-akhir

teri chaukhat se rah sake na alag

sang-e-dar ho gai jabin-e-akhir

pa sake khun baha det na qisas

zindagi ke lawahiqyun akhir

ishq taskhir-e-kainat ke baad

ho raha dil mein hi makin akhir

khel to khatm ho chuka hai rabab

kyun ruke hain tamashbain akhir