جاں رہے نوچتے حیات کے دکھ

جاں رہے نوچتے حیات کے دکھ

ذات کے اور کائنات کے دکھ

کچھ بگاڑا نہ وقت نے ان کا

ہیں جواں اب بھی میرے ساتھ کے دکھ

روزمرہ کا بن گئے معمول

روزمرہ معاملات کے دکھ

فتح نے بھی شکست و ریخت ہی دی

جیت سے منسلک تھے مات کے دکھ

رہ گیا اب جنوں ہی کم آمیز

عشق میں تو ہیں بات بات کے دکھ

ہم غریبوں کے روز و شب نہ پوچھ

دن میں بھی جاگتے ہیں رات کے دکھ

ٹوٹنے میں ہی عافیت تھی ربابؔ

جھیلتا کون احتیاط کے دکھ

jan rahe nochte hayat ke dukh

zat ke aur kainat ke dukh

kuchh bigara na waqt ne un ka

hain jawan ab bhi mere sath ke dukh

rozmarra ka ban gae maamul

rozmarra muamalat ke dukh

fath ne bhi shikast-o-rekht hi di

jit se munsalik the mat ke dukh

rah gaya ab junun hi kam amez

ishq mein to hain bat bat ke dukh

ham gharibon ke roz-o-shab na puchh

din mein bhi jagte hain rat ke dukh

tutne mein hi afiyat thi rabab

jhelta kaun ehtiyat ke dukh