لفظ کا بس ہے تعلق میرے تیرے درمیاں

لفظ کا بس ہے تعلق میرے تیرے درمیاں

لفظ کے معنی پہ قائم سارے رشتوں کا نشاں

پہلے چپ کی گفتگو اس کی سمجھ میں آتی تھی

بھول بیٹھی ہے کہی اور ان کہی دونوں زباں

لفظ خود ہم نے گڑھے اظہار الفت کے لیے

وصل کی تکمیل ہے ممنون تشکیل لساں

ہو نہ گر الفت تو نفرت ہو ضروری تو نہیں

یہ بھی ہو سکتا ہے وہ ہو بے نیاز عاشقاں

لب کشا ہوں یا کہ چپ ہوں دیکھ کر اس کی طرف

ہے فہیمؔ اپنے قبیلے کا سمجھتا ہے زیاں

lafz ka bas hai taalluq mere tere darmiyan

lafz ke maani pe qaim sare rishton ka nishan

pahle chup ki guftugu us ki samajh mein ati thi

bhul baithi hai kahi aur an kahi donon zaban

lafz khud ham ne garhe izhar-e-ulfat ke liye

wasl ki takmil hai mamnun-e-tashkil-e-lassan

ho na gar ulfat to nafrat ho zaruri to nahin

ye bhi ho sakta hai wo ho be niyaz-e-ashiqan

lab kusha hun ya ke chup hun dekh kar us ki taraf

hai fahim apne qabile ka samajhta hai ziyan