رات ہے کالی گھٹا ہے اور میں

رات ہے کالی گھٹا ہے اور میں

پر خطر یہ راستہ ہے اور میں

پار اترنے کی کوئی صورت نہیں

کشتیٔ بے نا خدا ہے اور میں

کس ڈگر پر آ دبوچے کیا پتہ

پیچھے پیچھے حادثہ ہے اور میں

آندھیوں کا زور کم ہوتا نہیں

پھوس کا یہ جھونپڑا ہے اور میں

اپنے اندر کی دہکتی آگ سے

ہر کوئی شعلہ نوا ہے اور میں

عافیت کی کرتے رہیے گا دعا

جال سازش کا بچھا ہے اور میں

گردش ایام کا انجمؔ سنو

سلسلہ در سلسلہ ہے اور میں

rat hai kali ghata hai aur main

pur khatar ye rasta hai aur main

par utarne ki koi surat nahin

kashti-e-be na khuda hai aur main

kis dagar par a daboche kya pata

pichhe pichhe hadisa hai aur main

andhiyon ka zor kam hota nahin

phus ka ye jhonpra hai aur main

apne andar ki dahakti ag se

har koi shola nawa hai aur main

afiyat ki karte rahiyega dua

jal sazish ka bichha hai aur main

gardish-e-ayyam ka anjum suno

silsila dar silsila hai aur main