دیکھ اپنا خیال کر بابا

دیکھ اپنا خیال کر بابا

ہو گئی رات جا تو گھر بابا

دھوپ اترے گی تیرے کمرے میں

رکھ دریچے کو کھول کر بابا

یاد رکھنا مجھے دعاؤں میں

تاکہ آساں رہے سفر بابا

جس کا ہے انتظار برسوں سے

جانے کب ہوگی وہ سحر بابا

اٹھ رہا ہے اسی طرف وہ دھواں

اپنی کٹیا کی لے خبر بابا

لٹ نہ جائے متاع دل اپنی

یہ لٹیروں کا ہے نگر بابا

اس طرح گاؤں سے گیا انجمؔ

پھر نہ آیا وہ لوٹ کر بابا

dekh apna khayal kar baba

ho gai rat ja to ghar baba

dhup utregi tere kamre mein

rakh dariche ko khol kar baba

yad rakhna mujhe duaon mein

take asan rahe safar baba

jis ka hai intizar barson se

jane kab hogi wo sahar baba

uth raha hai isi taraf wo dhuan

apni kutiya ki le khabar baba

lut na jae mata-e-dil apni

ye luteron ka hai nagar baba

is tarah gaon se gaya anjum

phir na aya wo laut kar baba