وقت کی رفتار کو پرکھا کرو

وقت کی رفتار کو پرکھا کرو

بند ہر جھگڑے کا دروازہ کرو

منہ سے نکلی بات کی ہوگی پکڑ

آگے پیچھے سوچ کر بولا کرو

صرف غیروں کی زبانیں سیکھ کر

مشورہ ہے خود کو مت گونگا کرو

عہد پورا ہی نہیں کرنا ہے جب

زندگی بھر وعدۂ فردا کرو

تم اگر نازاں ہو اپنے آپ پر

وقت فرصت آئنہ دیکھا کرو

شہر کی آخر یہ حالت کب تلک

اہل دربھنگہ ذرا سوچا کرو

ہر طرف انجمؔ نئے مضمون کی

ڈھیر سی ہیں تتلیاں پکڑا کرو

waqt ki raftar ko parkha karo

band har jhagre ka darwaza karo

munh se nikli bat ki hogi pakar

age pichhe soch kar bola karo

sirf ghairon ki zabanen sikh kar

mashwara hai khud ko mat gunga karo

ahd-e-pura hi nahin karna hai jab

zindagi bhar waada-e-farda karo

tum agar nazan ho apne ap par

waqt-e-fursat aina dekha karo

shahr ki akhir ye halat kab talak

ahl-e-darbhanga zara socha karo

har taraf anjum nae mazmun ki

dher si hain titliyan pakra karo