در پردہ کس دوا سے جبلت بدل گئی

در پردہ کس دوا سے جبلت بدل گئی

بچے بڑے ہوئے تو ضرورت بدل گئی

بازار میں گلی میں قدم پھونک کر رکھو

اب ہر جگہ کی شرح شرافت بدل گئی

گمنام تھے تو باتوں میں ان کی خلوص تھا

شہرت ملی تو صورت حالت بدل گئی

پتھر جو پھینکتے ہو ہمارے مکان پر

کیا شیشے کی تمہاری عمارت بدل گئی

برسوں کے تجربے کا خلاصہ یہی تو ہے

انگڑائی لی ذرا تو حکومت بدل گئی

قاتل پہنچتے کیفر کردار تک مگر

سارے گواہوں کی ہی شہادت بدل گئی

پہلے تو خوش مزاج تھے انجمؔ بتائیے

افتاد کیا پڑی کہ وہ عادت بدل گئی

dar parda kis dawa se jibillat badal gai

bachche bare hue to zarurat badal gai

bazar mein gali mein qadam phunk kar rakho

ab har jagah ki sharh-e-sharafat badal gai

gumnam the to baton mein un ki khulus tha

shohrat mili to surat-e-halat badal gai

patthar jo phenkte ho hamare makan par

kya shishe ki tumhari imarat badal gai

barson ke tajribe ka khulasa yahi to hai

angrai li zara to hukumat badal gai

qatil pahunchte kaifar-e-kirdar tak magar

sare gawahon ki hi shahadat badal gai

pahle to khush mizaj the anjum bataiye

uftad kya pari ke wo adat badal gai