راہ ضد کی نہ اختیار کرو

راہ ضد کی نہ اختیار کرو

سچی باتوں پہ اعتبار کرو

اپنے بل پر کرو جو کرنا ہو

کیوں کسی پر تم انحصار کرو

مشکلیں زندگی میں آتی ہیں

غم سے خود کو نہ ہمکنار کرو

ہر وجود بشر گھٹن میں ہے

کچھ فضاؤں کو خوش گوار کرو

عزت و قدر پاؤں چومے گی

اپنے اخلاق استوار کرو

داستاں ہے ابھی طویل بہت

جاؤ گھر کل کا انتظار کرو

فائدہ بھی ہے اس سے کیا انجمؔ

میرے زخموں کو مت شمار کرو

rah zid ki na ikhtiyar karo

sachchi baton pe etibar karo

apne bal par karo jo karna ho

kyun kisi par tum inhisar karo

mushkilen zindagi mein ati hain

gham se khud ko na hamkanar karo

har wajud-e-bashar ghutan mein hai

kuchh fazaon ko khush gawar karo

izzat-o-qadr paon chumegi

apne akhlaq ustuwar karo

dastan hai abhi tawil bahut

jao ghar kal ka intizar karo

faida bhi hai us se kya anjum

mere zakhmon ko mat shumar karo