شریفوں سے رفاقت میں تو غفلت ہم نہیں کرتے

شریفوں سے رفاقت میں تو غفلت ہم نہیں کرتے

کسی کم ظرف سے ملنے کی چاہت ہم نہیں کرتے

کسی کی چاپلوسی میں جو دن کو رات کہنا ہے

کبھی بھولے سے بھی اس کی حمایت ہم نہیں کرتے

مہذب دور میں بیٹوں کی بکری خوب ہوتی ہے

کوئی کہہ دے یہ ناجائز تجارت ہم نہیں کرتے

حصول منفعت اپنی نگاہوں میں مقدم ہے

انہیں وجہوں سے اظہار حقیقت ہم نہیں کرتے

بنی نوع بشر کی منزلت شیوہ ہمارا ہے

روایات بزرگاں سے بغاوت ہم نہیں کرتے

مسلماں ہیں زمانے کو پیام امن دیتے ہیں

جو دہشت گرد ہیں ان کی وکالت ہم نہیں کرتے

غلط کاری کا جو انجام ہونا تھا ہوا انجمؔ

مقدر کی خرابی کی شکایت ہم نہیں کرتے

sharifon se rifaqat mein to ghaflat ham nahin karte

kisi kam zarf se milne ki chahat ham nahin karte

kisi ki chaplusi mein jo din ko rat kahna hai

kabhi bhule se bhi us ki himayat ham nahin karte

mohazzab daur mein beton ki bakri khub hoti hai

koi kah de ye najaiz tijarat ham nahin karte

husul-e-munfaat apni nigahon mein muqaddim hai

unhen wajhon se izhar-e-haqiqat ham nahin karte

bani nau-e-bashar ki manzilat shewa hamara hai

riwayat-e-buzurgan se baghawat ham nahin karte

musalman hain zamane ko payam-e-amn dete hain

jo dahshat gard hain un ki wakalat ham nahin karte

ghalat kari ka jo anjam hona tha hua anjum

muqaddar ki kharabi ki shikayat ham nahin karte