آساں نہیں ہے جادۂ حیرت عبورنا

آساں نہیں ہے جادۂ حیرت عبورنا

حیراں ہوئے بغیر اسے مت عبورنا

میرے خلاف کوئی بھی بکتا رہے مگر

سیکھا ہے میں نے سرحد تہمت عبورنا

صد آفریں خیال تو اچھا ہے واقعی

آنکھوں کو بند کر کے محبت عبورنا

آوارگان عشق ذرا احتیاط سے

لذت کے بعد لذت شہوت عبورنا

تعمیر ماہ و سال میں تاخیر کے بغیر

کس کو روا ہے عرصۂ مہلت عبورنا

جزو بدن بنے گا تو باہر بھی آئے گا

یہ زخم تھوڑی دیر سے حضرت عبورنا

asan nahin hai jada-e-hairat uburna

hairan hue baghair use mat uburna

mere khilaf koi bhi bikta rahe magar

sikha hai main ne sarhad-e-tohmat uburna

sad afrin khayal to achchha hai waqai

ankhon ko band kar ke mohabbat uburna

awargan-e-ishq zara ehtiyat se

lazzat ke baad lazzat-e-shahwat uburna

taamir mah-o-sal mein takhir ke baghair

kis ko rawa hai arsa-e-mohlat uburna

juzw-e-badan banega to bahar bhi aega

ye zakhm thori der se hazrat uburna