روشنی کی ڈور تھامے زندگی تک آ گئے

روشنی کی ڈور تھامے زندگی تک آ گئے

چور عہد سامری کے جل پری تک آ گئے

واعظان خوش ہوس کی جھڑکیاں سنتے ہوئے

لا شعوری طور پر ہم سر خوشی تک آ گئے

ڈھول پیٹا جا رہا تھا اور خالی پیٹ ہم

ہنستے گاتے تھاپ سنتے ڈھولچی تک آ گئے

واہموں کی ناتمامی کا علاقہ چھوڑ کر

کچھ پرندے ہاتھ باندھے سبزگی تک آ گئے

بھائی بہنوں کی محبت کا نشہ مت پوچھیے

بے تکلف ہو گئے تو گدگدی تک آ گئے

چاک تہمت پر گھمایا جا رہا تھا عشق کو

جب ہمارے اشک خواب خودکشی تک آ گئے

گالیاں بکنے لگے غصے ہوئے لڑنے لگے

رقص کرتے کرتے ہم بھی خود سری تک آ گئے

اے حسیں لڑکی تمہارے حسن کے لذت پرست

کافری سے سر بچا کر شاعری تک آ گئے

raushni ki dor thame zindagi tak a gae

chur ahd-e-samri ke jal pari tak a gae

waizan-e-khush hawas ki jhirkiyan sunte hue

la shuuri tur par ham sar khushi tak a gae

dhol pita ja raha tha aur khali pet ham

hanste gate thap sunte dholuchchi tak a gae

wahimon ki natamami ka ilaqa chhor kar

kuchh parinde hath bandhe sabzagi tak a gae

bhai bahnon ki mohabbat ka nasha mat puchhiye

be takalluf ho gae to gudgudi tak a gae

chak tohmat par ghumaya ja raha tha ishq ko

jab hamare ashk khwab-e-khudkushi tak a gae

galiyan bikne lage ghusse hue larne lage

raqs karte karte ham bhi khud siri tak a gae

ai hasin larki tumhare husn ke lazzat parast

kafiri se sar bacha kar shayari tak a gae