ملبے سے جو ملی ہیں وہ لاشیں دکھائیے

ملبے سے جو ملی ہیں وہ لاشیں دکھائیے

صاحب نوادرات کی شکلیں دکھائیے

ہم لوگ بے بصر ہیں مگر بد نظر نہیں

عینک اتارئیے ہمیں آنکھیں دکھائیے

دنیا کما کے سو گئے جو بے چراغ لوگ

ان کو مرا خیال ہے قبریں دکھائیے

جو دیکھنے سے باز نہیں آ رہے انہیں

محشر کے دن کی آخری قسطیں دکھائیے

میں ہوں فلکؔ غلام علی یا علیؑ مدد

مجھ کو مرے امام سبیلیں دکھائیے

malbe se jo mili hain wo lashen dikhaiye

sahab nawadirat ki shaklen dikhaiye

ham log be basar hain magar bad nazar nahin

ainak utariye hamen ankhen dikhaiye

duniya kama ke so gae jo be charagh log

un ko mira khayal hai qabren dikhaiye

jo dekhne se baz nahin a rahe unhen

mahshar ke din ki akhiri qisten dikhaiye

main hun falak ghulam ali ya ali madad

mujh ko mire imam sabilen dikhaiye