ہر مشکل آسان بنانے والا تھا

ہر مشکل آسان بنانے والا تھا

میں پتھر کے پان بنانے والا تھا

خوابوں کی تاویل سمجھ سے باہر تھی

جب میں پاکستان بنانے والا تھا

حق باہو حق باہو کہہ کر ایک فقیر

باہو کو سلطان بنانے والا تھا

مجھ ایسا بہلول کہاں سے لاؤ گے

نار سے جو ناران بنانے والا تھا

شہزادی نے جس کی خاطر زہر پیا

اک دیہاتی نان بنانے والا تھا

آپ نے میرا ہاتھ نہ تھاما ہوتا تو

میں خود کو شیطان بنانے والا تھا

دروازوں کی ساکھ بچانے کی خاطر

دیواروں کے کان بنانے والا تھا

آپ کی اک اک بات غزل میں ڈھال کے میں

آن کی آن میں تان بنانے والا تھا

har mushkil asan banane wala tha

main patthar ke pan banane wala tha

khwabon ki tawil samajh se bahar thi

jab main pakistan banane wala tha

haq bahu haq bahu kah kar ek faqir

bahu ko sultan banane wala tha

mujh aisa bahalwil kahan se laoge

nar se jo naran banane wala tha

shahzadi ne jis ki khatir zahr piya

ik dehati nan banane wala tha

ap ne mera hath na thama hota to

main khud ko shaitan banane wala tha

darwazon ki sakh bachane ki khatir

diwaron ke kan banane wala tha

ap ki ik ik bat ghazal mein dhal ke main

an ki an mein tan banane wala tha