مٹے ہیں عشق میں ایسے کہ کون جانے ہے

مٹے ہیں عشق میں ایسے کہ کون جانے ہے

زمیں سے پوچھ فلک سے کہ اب کہاں ہوں میں

چراغ اب بھی ہوں لیکن بجھا ہوا کب سے

میں روشنی تھا کبھی اب تو بس دھواں ہوں میں

مری تلاش میں دنیا نے کیا کمال کیا

کہ پوچھ ڈالا ہے شیشے سے اب کہاں ہوں میں

کبھی میں یاد میں تھا تیری میں دعا میں تھا

ابھی میں ساتھ ہوں تیرے مگر نہاں ہوں میں

اگرچہ ہے بھی تو حق دار تو غرور نہ کر

جو جھک گیا ہے زمیں پر وہ آسماں ہوں میں

mite hain ishq mein aise ke kaun jane hai

zamin se puchh falak se ke ab kahan hun main

charagh ab bhi hun lekin bujha hua kab se

main raushni tha kabhi ab to bas dhuan hun main

miri talash mein duniya ne kya kamal kiya

ke puchh dala hai shishe se ab kahan hun main

kabhi main yad mein tha teri mein dua mein tha

abhi main sath hun tere magar nihan hun main

agarche hai bhi to haq dar to ghurur na kar

jo jhuk gaya hai zamin par wo asman hun main