آج فرصت ہے تو کچھ دیر ٹھہر دیکھ مجھے

آج فرصت ہے تو کچھ دیر ٹھہر دیکھ مجھے

مجھ پہ بھی ڈال ذرا ایک نظر دیکھ مجھے

میرے شانے پہ ترا سر کبھی ہوگا تب تک

رکھ کے شانے پہ سہیلی کے ہی سر دیکھ مجھے

تا قیامت میں جگہ سے نہ ہلوں گا اپنی

تا قیامت تو مجھے دیکھ مگر دیکھ مجھے

جانے کب سمجھے گی تو میں ہی تری منزل ہوں

مرحلوں سے تو مری جان ابھر دیکھ مجھے

تاجؔ کہتا ہے محبت کے ہر اک مارے سے

میں تصور ہوں کسی اور کا پر دیکھ مجھے

دیکھ مجھ کو کہ تجھے تو ہی دکھائی دے گا

تجھ پہ بھی ہو کے رہے گا یہ اثر دیکھ مجھے

aj fursat hai to kuchh der thahar dekh mujhe

mujh pe bhi dal zara ek nazar dekh mujhe

mere shane pe tira sar kabhi hoga tab tak

rakh ke shane pe saheli ke hi sar dekh mujhe

ta qayamat mein jagah se na hilunga apni

ta qayamat to mujhe dekh magar dekh mujhe

jane kab samjhegi to main hi tiri manzil hun

marhalon se to miri jan ubhar dekh mujhe

taj kahta hai mohabbat ke har ik mare se

main tasawwur hun kisi aur ka par dekh mujhe

dekh mujh ko ke tujhe tu hi dikhai dega

tujh pe bhi ho ke rahega ye asar dekh mujhe