جیب و گریباں ٹکڑے ٹکڑے دامن کو بھی تار کیا

جیب و گریباں ٹکڑے ٹکڑے دامن کو بھی تار کیا

کیسے کیسے ہم نے اپنی وحشت کا اظہار کیا

طوق و سلاسل ہم نے پہنے خود کو سپرد دار کیا

ہم خود اپنی جان سے گزرے تب تیرا دیدار کیا

خون جگر آنکھوں سے بہایا غم کا صحرا پار کیا

تیری تمنا کی کیا ہم نے جیون کو آزار کیا

رنج و الم کی بستی میں ہم اب تک تنہا تنہا ہیں

تم سے تھی امید وفا سو تم نے بھی انکار کیا

حسن وفا خودداری غیرت ہر اک کی نیلام ہوئی

ہم لوگوں نے آخر اک دن بستی کو بازار کیا

راہ عمل میں بازی آخر اک دن تم ہی جیت گئے

ہم نے وفا اک بار اگر کی تم نے ستم سو بار کیا

ہم تو ظفرؔ ہر آن اسی کے غم میں ڈوبے رہتے ہیں

جس نے غم کی دولت بخشی ہم پہ بڑا اپکار کیا

jeb-o-gareban tukre tukre daman ko bhi tar kiya

kaise kaise ham ne apni wahshat ka izhar kiya

tauq-o-salasil ham ne pahne khud ko supurd dar kya

ham khud apni jan se guzre tab tera didar kiya

khun-e-jigar ankhon se bahaya gham ka sahra par kiya

teri tamanna ki kya ham ne jiwan ko azar kiya

ranj-o-alam ki basti mein ham ab tak tanha tanha hain

tum se thi ummid-e-wafa so tum ne bhi inkar kiya

husn-e-wafa khuddari ghairat har ik ki nilam hui

ham logon ne akhir ik din basti ko bazar kiya

rah-e-amal mein bazi akhir ik din tum hi jit gae

ham ne wafa ik bar agar ki tum ne sitam sau bar kiya

ham to zafar har an usi ke gham mein dube rahte hain

jis ne gham ki daulat bakhshi ham pe bara apkar kiya