زہر غم دل میں سمونے بھی نہیں دیتا ہے

زہر غم دل میں سمونے بھی نہیں دیتا ہے

کرب احساس کو کھونے بھی نہیں دیتا ہے

دل کی زخموں کو کیا کرتا ہے تازہ ہر دم

پھر ستم یہ ہے کہ رونے بھی نہیں دیتا ہے

اشک خوں دل سے امنڈ آتے ہیں دریا کی طرح

دامن چشم بھگونے بھی نہیں دیتا ہے

اٹھنا چاہیں تو گرا دیتا ہے پھر ٹھوکر سے

بے خودی چاہیں تو ہونے بھی نہیں دیتا ہے

ہر گھڑی لگتی ہے انورؔ پہ نئی اک تہمت

کسی الزام کو دھونے بھی نہیں دیتا ہے

zahr-e-gham dil mein samone bhi nahin deta hai

karb-e-ehsas ko khone bhi nahin deta hai

dil ki zakhmon ko kya karta hai taza har dam

phir sitam ye hai ke rone bhi nahin deta hai

ashk-e-khun dil se umand ate hain dariya ki tarah

daman-e-chashm bhigone bhi nahin deta hai

uthna chahen to gira deta hai phir thokar se

be khudi chahen to hone bhi nahin deta hai

har ghari lagti hai anwar pe nai ik tohmat

kisi ilzam ko dhone bhi nahin deta hai