اک بار سامنا ہوا اور آنکھ لڑ گئی

اک بار سامنا ہوا اور آنکھ لڑ گئی

اتنی سی بات تھی مگر افسوس بڑھ گئی

شرمائے وہ لجائے کبھی مسکرا دئے

بیل اپنے پیار کی یوں ہی پروان چڑھ گئی

پھر نامہ و پیام کا اک سلسلہ چھڑا

آنگن میں ہم کھڑے تھے وہ کوٹھے پہ چڑھ گئی

ہونے لگے اشارے جو ہر روز صبح و شام

یہ دیکھ کے ہماری پڑوسن بگڑ گئی

بس بنتے بنتے رہ گیا محفوظؔ اپنا کام

راضی جو اس کا باپ ہوا ماں اکڑ گئی

ik bar samna hua aur ankh lar gai

itni si bat thi magar afsos barh gai

sharmae wo lajae kabhi muskura diye

bel apne pyar ki yun hi parwan charh gai

phir nama-o-payam ka ik silsila chhura

angan mein ham khare the wo kothe pe charh gai

hone lage ishare jo har roz subh-o-sham

ye dekh ke hamari parosan bigar gai

bas bante bante rah gaya mahfuz apna kam

razi jo us ka bap hua man akkar gai