بے خبر اپنے مقدر سے رہا پہلے پہل

بے خبر اپنے مقدر سے رہا پہلے پہل

جب قدم شہر زلیخا میں رکھا پہلے پہل

بازگشت اس کی ہیں جتنی بھی یہ آوازیں ہیں

ہر طرف گونج گئی ایک صدا پہلے پہل

اپنی منزل کا وہیں ہو گیا عرفان مجھے

جب ملا راہ میں اک نقش وفا پہلے پہل

لوگ پہچان نہ پائے کسی دیوانے کو

جانے کس طرح یہ دستور بنا پہلے پہل

آج ہر شخص کو دعویٰ ہے خدائی کا یہاں

جب کہ ہر شخص کا تھا ایک خدا پہلے پہل

be khabar apne muqaddar se raha pahle pahal

jab qadam shahr-e-zulekha mein rakha pahle pahal

bazgasht us ki hain jitni bhi ye awazen hain

har taraf gunj gai ek sada pahle pahal

apni manzil ka wahin ho gaya irfan mujhe

jab mila rah mein ik naqsh-e-wafa pahle pahal

log pahchan na pae kisi diwane ko

jane kis tarah ye dastur bana pahle pahal

aj har shakhs ko daawa hai khudai ka yahan

jab ke har shakhs ka tha ek khuda pahle pahal