Arooz is now on the App Store, for iPhone and iPad. Download →

All poetry

ہر حقیقت ہے وہی خواب پریشاں کہ جو تھا

Dawood Kashmiri

ہر حقیقت ہے وہی خواب پریشاں کہ جو تھا

جذبۂ دل ہے وہی چاک گریباں کہ جو تھا

مہ جبینوں کو ملے جور کے انداز نئے

دل فگاروں کو وہی دیدۂ حیراں کہ جو تھا

ہاں شہیدان وفا سر پہ کفن کج ہی رہے

دیکھنا آج بھی ظالم ہے پشیماں کہ جو تھا

نہ مسیحا نہ ہی منصور نہ فرہاد رہا

اب کہاں رونق و ہنگامۂ یاراں کہ جو تھا

اک طرف اونچی عمارات ہیں زنداں زنداں

اک طرف گھر ہے مرا دشت و بیاباں کہ جو تھا