درد اک شمع تفکر ہے اگر سمجھو تو

درد اک شمع تفکر ہے اگر سمجھو تو

فہم انساں کا تبحر ہے اگر سمجھو تو

میٹھے بولوں میں نہیں محض تسلی میں نہیں

جہد پیہم کا تصور ہے اگر سمجھو تو

یہ حقیقت کے قلم سے لکھا افسانہ ہے

یہ ہی عرفان تفکر ہے اگر سمجھو تو

یہ عبادت ہے تہجد کی یہ ہوگی مقبول

جوش امید سے یہ پر ہے اگر سمجھو تو

تیشۂ کوہ کنی آتش نمرود ہے یہ

آزمائش کا تقرر ہے اگر سمجھو تو

عکس اس کا نہیں آئینۂ تقدیر میں ہاں

دعوت فکر و تدبر ہے اگر سمجھو تو

dard ik shama tafakkur hai agar samjho to

fahm insan ka tabahhur hai agar samjho to

mithe bolon mein nahin mahz tasalli mein nahin

jahd-e-paiham ka tasawwur hai agar samjho to

ye haqiqat ke qalam se likha afsana hai

ye hi irfan-e-tafakkur hai agar samjho to

ye ibadat hai tahajjud ki ye hogi maqbul

josh-e-ummid se ye par hai agar samjho to

tesha-e-koh-e-kini atish-e-namrud hai ye

azmaish ka taqarrur hai agar samjho to

aks us ka nahin aina-e-taqdir mein han

daawat-e-fikr-o-tadabbur hai agar samjho to