عجب حسرت سے تکتے ہیں نگر کے بند در مجھ کو

عجب حسرت سے تکتے ہیں نگر کے بند در مجھ کو

چلا جاتا ہوں لے جاتی ہے تنہائی جدھر مجھ کو

سمجھتے ہیں وہ لیڈر یا کوئی درویش مستانہ

کوئی کھینچے ادھر مجھ کو کوئی کھینچے ادھر مجھ کو

کیوں اک منزل پہ ٹھہرا ہوں ہے یہ اصرار بے معنی

کوئی مجھ سے تو پوچھے آخرش جانا کدھر مجھ کو

میں کتنی دور آ پہنچا ہوں اندازے سے کیا حاصل

صدا لگتی ہے خاموشی بلائے لاکھ گھر مجھ کو

میں سادہ لوح میں ناواقف جرم و سزا پھر بھی

نہ جانے کس لئے ڈھونڈے ہے یہ سارا نگر مجھ کو

ajab hasrat se takte hain nagar ke band dar mujh ko

chala jata hun le jati hai tanhai jidhar mujh ko

samajhte hain wo lidar ya koi darwesh-e-mastana

koi khinche idhar mujh ko koi khinche idhar mujh ko

kyun ik manzil pe thahra hun hai ye israr be maani

koi mujh se to puchhe akhirash jana kidhar mujh ko

main kitni dur a pahuncha hun andaze se kya hasil

sada lagti hai khamoshi bulae lakh ghar mujh ko

main sada lauh mein nawaqif-e-jurm-o-saza phir bhi

na jane kis liye dhunde hai ye sara nagar mujh ko