میری وفا مقیم ہے گرد و غبار میں

میری وفا مقیم ہے گرد و غبار میں

آہستہ چلنا باد صبا کوئے یار میں

ہم ہیں فریب خوردہ مگر بے خبر نہیں

مفہوم زندگی ہے فقط اعتبار میں

روٹی تو رشتہ بن نہ سکی کوئی دیس ہو

ایسی محبتیں تو ہیں اپنے دیار میں

ہر شخص مضطرب ہے ہر اک شخص بے قرار

حاصل سکوں توکل پروردگار میں

سچ کہہ کے کیا گناہ کیا سوچتے ہیں اب

رشتے تمام قطع ہوئے ایک بار میں

meri wafa muqim hai gard-o-ghubar mein

ahista chalna bad-e-saba ku-e-yar mein

ham hain fareb-e-khurda magar be khabar nahin

mafhum-e-zindagi hai faqat etibar mein

roti to rishta ban na saki koi des ho

aisi mohabbaten to hain apne dayar mein

har shakhs muztarib hai har ik shakhs be qarar

hasil sukun tawakkul-e-parwardigar mein

sach kah ke kya gunah kiya sochte hain ab

rishte tamam qata hue ek bar mein