آوارہ بوئے گل کی طرح ہیں چمن سے دور

آوارہ بوئے گل کی طرح ہیں چمن سے دور

لغزیدہ پا نہیں ہیں مگر ہم وطن سے دور

تاریک راستوں میں بچھاتے ہیں روشنی

ایسے بھی کچھ چراغ جلے انجمن سے دور

جس نے نسیم صبح کو بخشی ہے تازگی

خوشبو وہ کس قدر ہے پریشاں چمن سے دور

وہ لوگ جن کا خون ہے رنگ بہار میں

رکھا گیا ہے ان کو ہی صحن چمن سے دور

سنگ اساس ہونے کے احساس نے ہمیں

اب تک رکھا ہے لذت تشہیر فن سے دور

اب اس کو کیا کہیں وہی فن کار وقت ہے

جو شخص عصر نو میں ہے معیار فن سے دور

awara bu-e-gul ki tarah hain chaman se dur

laghzeda pa nahin hain magar ham watan se dur

tarik raston mein bichhate hain raushni

aise bhi kuchh charagh jale anjuman se dur

jis ne nasim-e-subh ko bakhshi hai tazgi

khushbu wo kis qadar hai pareshan chaman se dur

wo log jin ka khun hai rang-e-bahar mein

rakha gaya hai un ko hi sehn-e-chaman se dur

sang-e-asas hone ke ehsas ne hamen

ab tak rakha hai lazzat-e-tashhir-e-fan se dur

ab us ko kya kahen wahi fan kar waqt hai

jo shakhs asr-e-nau mein hai meyar-e-fan se dur