جبہ کسی کا اور نہ دستار دیکھنا

جبہ کسی کا اور نہ دستار دیکھنا

ہے کون مفلسوں کا طرف دار دیکھنا

طرز سخن نہ شوخئ گفتار دیکھنا

انسانیت کا کون ہے غم خوار دیکھنا

یہ عرصۂ حیات بھی سورج کی زد پہ ہے

لمحوں کے بعد سایۂ دیوار دیکھنا

ہر زاد یہ حیات کا میری نظر میں ہے

میرا سفر ہے صورت پرکار دیکھنا

دیوار و در پہ کیسی مسلط ہے خامشی

نیرنگیٔ ذریعۂ اظہار دیکھنا

جو درس دے رہے ہیں فروغ کتاب کا

کتنے وہی ہیں علم سے بیزار دیکھنا

منشور جس کا اسوۂ شبیر ہو رئیسؔ

ایسا ہے کون صاحب کردار دیکھنا

jubba kisi ka aur na dastar dekhna

hai kaun muflison ka taraf dar dekhna

tarz-e-sukhan na shokhi-e-guftar dekhna

insaniyat ka kaun hai gham khwar dekhna

ye arsa-e-hayat bhi suraj ki zad pe hai

lamhon ke baad saya-e-diwar dekhna

har zad ye hayat ka meri nazar mein hai

mera safar hai surat-e-parkar dekhna

diwar-o-dar pe kaisi musallat hai khamushi

nairangi-e-zaria-e-izhar dekhna

jo dars de rahe hain farogh-e-kitab ka

kitne wahi hain ilm se bezar dekhna

manshur jis ka uswo-e-shabbir ho rais

aisa hai kaun sahab-e-kirdar dekhna