اجلے پروں میں کون چھپا ہے پتا نہیں

اجلے پروں میں کون چھپا ہے پتا نہیں

ماتھے پہ تو کسی کے فریبی لکھا نہیں

گلیوں میں کوئی آ کے پھر اک بار چیخ جائے

مدت سے سارے شہر میں کوئی صدا نہیں

کجلا گیا ہے کتنے ہی قدموں تلے مگر

یہ راستہ عجیب ہے کچھ بولتا نہیں

بھٹکا کیا میں زرد حقارت کے شہر میں

نیلی حدوں کے پار وہ لیکن ملا نہیں

ہر ساز پر ابھرنے لگے بے بسی کے گیت

آؤ کہ رقص کے لئے موسم برا نہیں

کاغذ پہ اس کا نام لکھو اور کاٹ دو

وہ شخص بھی تو اب ہمیں پہچانتا نہیں

ujle paron mein kaun chhupa hai pata nahin

mathe pe to kisi ke farebi likha nahin

galiyon mein koi a ke phir ik bar chikh jae

muddat se sare shahr mein koi sada nahin

kajla gaya hai kitne hi qadmon tale magar

ye rasta ajib hai kuchh bolta nahin

bhatka kiya main zard hiqarat ke shahr mein

nili hadon ke par wo lekin mila nahin

har saz par ubharne lage be basi ke git

ao ke raqs ke liye mausam bura nahin

kaghaz pe us ka nam likho aur kat do

wo shakhs bhi to ab hamen pahchanta nahin