ہاتھ سے آخر چھوٹ پڑا پتھر جو اٹھایا تھا

ہاتھ سے آخر چھوٹ پڑا پتھر جو اٹھایا تھا

کیا کرتا مجرم بھی تو خود اپنا سایا تھا

ایسا ہوتا کاش کہیں کچھ رنگ بھی مل جاتے

اس نے میرے خوابوں کا خاکہ تو بنایا تھا

اب تو بھی باہر آ جا یوں جسم میں چھپنا کیا

پردہ ہی کرنا تھا تو کیوں مجھ کو بلایا تھا

آج کے موسم سے بے سدھ کچھ لوگ کفن چہرہ

اب تک سہمے بیٹھے ہیں طوفان کل آیا تھا

جی چاہے تو اور بھی رک لے پلکوں کی چھاؤں میں

میں نے تو تجھ کو وقت کا بس احساس دلایا تھا

روز سویرے ویرانہ بچتا ہے فرازؔ آخر

ہم نے رات بھی خوابوں میں اک شہر سجایا تھا

hath se akhir chhut para patthar jo uthaya tha

kya karta mujrim bhi to khud apna saya tha

aisa hota kash kahin kuchh rang bhi mil jate

us ne mere khwabon ka khaka to banaya tha

ab tu bhi bahar a ja yun jism mein chhupna kya

parda hi karna tha to kyun mujh ko bulaya tha

aj ke mausam se be sudh kuchh log kafan chehra

ab tak sahme baithe hain tufan kal aya tha

ji chahe to aur bhi ruk le palkon ki chhaon mein

main ne to tujh ko waqt ka bas ehsas dilaya tha

roz sawere wirana bachta hai faraz akhir

ham ne rat bhi khwabon mein ik shahr sajaya tha