اتنے چہرے ہیں سبھی پر پیار روشن ہے

اتنے چہرے ہیں سبھی پر پیار روشن ہے

کیا خبر چہروں کے پیچھے کون دشمن ہے

دور تک پہنچا کے ہم اپنی صدا خوش ہیں

ورنہ سمجھیں تو یہ اپنا کھوکھلا پن ہے

لوگ تنکے ادھ جلے سگریٹ کے ٹکڑے

اپنی دنیا راکھ اور تنکوں کا برتن ہے

کر رکھے تھے بند اس پر میں نے دروازے

گھر میں اب کتنی گھٹن ہے کتنی سیلن ہے

کھینچ کر الفاظ کو لاتا تو ہوں لیکن

آج کے صفحات پر پھسلن ہی پھسلن ہے

تم بھی اپنی پشت پر اک پوسٹر رکھ لو

آج کل سنتے ہیں کچھ ایسا ہی فیشن ہے

itne chehre hain sabhi par pyar raushan hai

kya khabar chehron ke pichhe kaun dushman hai

dur tak pahuncha ke ham apni sada khush hain

warna samjhen to ye apna khokhla pan hai

log tinke adh jale sigret ke tukre

apni duniya rakh aur tinkon ka bartan hai

kar rakhe the band us par main ne darwaze

ghar mein ab kitni ghutan hai kitni silan hai

khinch kar alfaz ko lata to hun lekin

aj ke safhat par phislan hi phislan hai

tum bhi apni pusht par ik postar rakh lo

aj kal sunte hain kuchh aisa hi faishan hai