ہر چند کہ غالب کے طرف دار بہت ہیں

ہر چند کہ غالب کے طرف دار بہت ہیں

لیکن یہ مرے دوست پر اسرار بہت ہیں

جمتی ہوئی دیکھی ہے ہتھیلی پہ بھی سرسوں

یہ لوگ زمانے کے تو فن کار بہت ہیں

شرمندۂ احساس نہ ہو گردش دوراں

بربادئ جاں کو تو مرے یار بہت ہیں

یہ عقل کہے راہ ملاقات نہیں ہے

دل ہم سے کہے اس برس آثار بہت ہیں

کچھ ان کے لیے ہاتھ اٹھا اور دعا کر

سرتاجؔ ترے ان دنوں بیمار بہت ہیں

har chand ke ghalib ke taraf dar bahut hain

lekin ye mire dost pur asrar bahut hain

jamti hui dekhi hai hatheli pe bhi sarson

ye log zamane ke to fan kar bahut hain

sharminda-e-ehsas na ho gardish-e-dauran

barbadi-e-jan ko to mire yar bahut hain

ye aql kahe rah mulaqat nahin hai

dil ham se kahe is baras asar bahut hain

kuchh un ke liye hath utha aur dua kar

sartaj tire in dinon bimar bahut hain