دل کی جو آگ تھی کم اس کو بھی ہونے نہ دیا

دل کی جو آگ تھی کم اس کو بھی ہونے نہ دیا

ہم تو روتے تھے مگر آپ نے رونے نہ دیا

شمع کیوں پردۂ فانوس میں چھپ جاتی ہے

اس نے پروانے کو قربان بھی ہونے نہ دیا

یاد دلبر میں کبھی اے دل مضطر تو نے

ہم کو چپ چاپ کہیں بیٹھ کے رونے نہ دیا

آشیاں کا تو کوئی ذکر ہے کیا اے صیاد

جمع تنکوں کو کبھی برق نے ہونے نہ دیا

آستیں آنکھوں پر اس شوخ نے رکھ دی بازلؔ

رو رہا تھا مجھے کس واسطے رونے نہ دیا

dil ki jo ag thi kam us ko bhi hone na diya

ham to rote the magar ap ne rone na diya

shama kyun parda-e-fanus mein chhup jati hai

us ne parwane ko qurban bhi hone na diya

yad dilbar mein kabhi ai dil-e-muztar tu ne

ham ko chup chap kahin baith ke rone na diya

ashiyan ka to koi zikr hai kya ai sayyad

jama tinkon ko kabhi barq ne hone na diya

astin ankhon par us shokh ne rakh di bazal

ro raha tha mujhe kis waste rone na diya