گفتار میں چھلکا تری نمکین باتوں کا نمک

گفتار میں چھلکا تری نمکین باتوں کا نمک

تیری اجازت ہو تو چکھ لوں تیرے ہونٹھوں کا نمک

گر دیکھیے تو اب وہاں گلزار پیدا ہو گئے

جس جا چھڑک آیا تھا میں پیروں کے چھالوں کا نمک

بھوکے رہے لیکن کسی کے آگے پھیلایا نہ ہاتھ

ہرگز نہیں کھایا کبھی غربت میں غیروں کا نمک

مجھ کو رلانے والے تیری ہر خوشی قائم رہے

میری دعا ہے تو کبھی چکھے نہ اشکوں کا نمک

پیتا ہوں دھو کر زیفؔ تو اس میں غلط کیا ہے بتا

مجھ کو تبرک لگتا ہے یہ ماں کے پیروں کا نمک

guftar mein chhalka tiri namkin baton ka namak

teri ijazat ho to chakh lun tere honthon ka namak

gar dekhiye to ab wahan gulzar paida ho gae

jis ja chhirak aya tha main pairon ke chhalon ka namak

bhuke rahe lekin kisi ke age phailaya na hath

hargiz nahin khaya kabhi ghurbat mein ghairon ka namak

mujh ko rulane wale teri har khushi qaim rahe

meri dua hai to kabhi chakhe na ashkon ka namak

pita hun dho kar zef to is mein ghalat kya hai bata

mujh ko tabarruk lagta hai ye man ke pairon ka namak