ہاتھ کیونکر ملا نہیں پایا

ہاتھ کیونکر ملا نہیں پایا

جبکہ سوچا تھا جا نہیں پایا

دیر تک میں کھڑا رہا در پر

تم نے سوچا کہ آ نہیں پایا

رہ گزر میں تو ساتھ ہے جیسے

تجھ کو آخر کہاں نہیں پایا

میں نے تم کو تو پا لیا لیکن

میں نے اب تک خدا نہیں پایا

بہت پایا بھی تو زمانے میں

کچھ بھی تیرے سوا نہیں پایا

میں نے سوچا کہ سب بتاؤں گا

پر ملا تو بتا نہیں پایا

خوب چاہا کہ آزماؤں بھی

پر کبھی آزما نہیں پایا

تیرگی ساتھ ہی رہی ہر دم

شمع کوئی جلا نہیں پایا

ایک ہی بھول تھی مگر اب تک

کس نے کس نے سزا نہیں پایا

ہو گیا ہوں جدا بھلے تم سے

تم کو خود سے جدا نہیں پایا

hath kyunkar mila nahin paya

jabke socha tha ja nahin paya

der tak main khara raha dar par

tum ne socha ke a nahin paya

rah guzar mein to sath hai jaise

tujh ko akhir kahan nahin paya

main ne tum ko to pa liya lekin

main ne ab tak khuda nahin paya

bahut paya bhi to zamane mein

kuchh bhi tere siwa nahin paya

main ne socha ke sab bataunga

par mila to bata nahin paya

khub chaha ke azmaun bhi

par kabhi azma nahin paya

tirgi sath hi rahi har dam

shama koi jala nahin paya

ek hi bhul thi magar ab tak

kis ne kis ne saza nahin paya

ho gaya hun juda bhale tum se

tum ko khud se juda nahin paya