ہر طرف اک تیرگی سی ہے بتاؤ کیا کریں

ہر طرف اک تیرگی سی ہے بتاؤ کیا کریں

شکل بھی کچھ آدمی سی ہے بتاؤ کیا کریں

وہ گیا ہے تو کفن کے ساتھ ہی پھر آئے گا

موت بھی اب زندگی سی ہے بتاؤ کیا کریں

جانتے ہیں سب مگر کیوں بولتا کوئی نہیں

ہر طرف تو بے خودی سی ہے بتاؤ کیا کریں

آدمی وہ ہے برا اور دل میں اس کے ہے فریب

پر زباں پر سادگی سی ہے بتاؤ کیا کریں

راہ کوئے یار میں بھی سامنا ان سے نہ ہو

اک تمنا آخری سی ہے بتاؤ کیا کریں

har taraf ik tirgi si hai batao kya karen

shakl bhi kuchh admi si hai batao kya karen

wo gaya hai to kafan ke sath hi phir aega

maut bhi ab zindagi si hai batao kya karen

jante hain sab magar kyun bolta koi nahin

har taraf to be khudi si hai batao kya karen

admi wo hai bura aur dil mein us ke hai fareb

par zaban par sadgi si hai batao kya karen

rah-e-ku-e-yar mein bhi samna un se na ho

ik tamanna akhiri si hai batao kya karen