ہم بھی اوروں جیسے نکلے

ہم بھی اوروں جیسے نکلے

جب تیرے کوچہ سے نکلے

نکلے بھی تو کیسے نکلے

دیکھا اور بن دیکھے نکلے

میں نے ان کو پاگل سمجھا

وہ بھی میرے جیسے نکلے

ایک دفعہ اس نے دیکھا تو

اس رستے سے پھر سے نکلے

ہم نے تو کیا کیا سوچا تھا

اور تم بھی یار ایسے نکلے

جتنے گھر میں تھے سب روئے

ایسے اپنے گھر سے نکلے

کہنے والے کہتے ہیں پر

بات وہی جو دل سے نکلے

ham bhi auron jaise nikle

jab tere kucha se nikle

nikle bhi to kaise nikle

dekha aur bin dekhe nikle

main ne un ko pagal samjha

wo bhi mere jaise nikle

ek dafa us ne dekha to

is raste se phir se nikle

ham ne to kya kya socha tha

aur tum bhi yar aise nikle

jitne ghar mein the sab roe

aise apne ghar se nikle

kahne wale kahte hain par

bat wahi jo dil se nikle