Arooz is now on the App Store, for iPhone and iPad. Download →

All poetry

جواز کیا ہے کہ اس شہر کی تباہی نہ ہو

Jaleel 'Aali' (b. 1945)

جواز کیا ہے کہ اس شہر کی تباہی نہ ہو

جہاں کسی نے بھی رسم وفا نباہی نہ ہو

وہ غم ملا ہے کہ دل سے دعا نکلتی ہے

یہ امتحاں کسی دشمن کا بھی الٰہی نہ ہو

زباں پہ حرف تمنا بھی رک نہیں سکتا

یہ خوف بھی ہے کہ برہم مزاج شاہی نہ ہو

چھٹی نہ تیرگیٔ دل تو فائدہ پیارے

ہزار چاہے قبا پر کہیں سیاہی نہ ہو

وہ گفتگو میں فرشتہ سہی مگر عالیؔ

جب اس کے پاس بھی کردار کی گواہی نہ ہو