خاک دہرائے داستاں کوئی

خاک دہرائے داستاں کوئی

بات سنتا ہے کب کہاں کوئی

چھوڑیے اپنی کوشش پرواز

ہاتھ آتا ہے آسماں کوئی

صاف رکھ اپنے دل کا آئینہ

مل ہی جائے گا قدرداں کوئی

کب سے بیٹھے ہیں حسن و عشق خموش

بات لازم ہے درمیاں کوئی

خاک اڑاتا ہوا نہ چل ظالم

دل نہ ہو جائے بے نشاں کوئی

khak dohrae dastan koi

bat sunta hai kab kahan koi

chhoriye apni koshish-e-parwaz

hath ata hai asman koi

saf rakh apne dil ka aina

mil hi jaega qadardan koi

kab se baithe hain husn-o-ishq khamosh

bat lazim hai darmiyan koi

khak urata hua na chal zalim

dil na ho jae be nishan koi